Српската национална авиокомпанија „Ер Србија“ денеска објави дека за прв пат во својата историја превезла повеќе од половина милион патници во јануари и февруари годинава.
Во текот на февруари, српската национална авиокомпанија забележала 239.198 патници во редовен и чартер сообраќај, додека бројот на превезени патници во јануари изнесува 276.198, се вели во соопштението.
Од аеродромите во Белград, Ниш и Краљево, „Ер Србија“ во февруари реализираше 2.874 летови, што е за пет отсто повеќе отколку во февруари 2024 година.
Најпопуларните дестинации на Ер Србија во регионот беа Подгорица и Тиват, додека во Западна Европа најпопуларни летови беа Париз, Цирих, Милано, Франкфурт, Амстердам и Виена.
Во пошироката евро-медитеранска зона најмногу патници полетале за Истанбул, Атина, Барселона и Ларнака.
НАЈЧИТАНО НА ИНТЕРНЕТ...