Американската компанија за вештачка интелигенција „Антропик“ објави план за издвојување пет проценти од своите акции во посебен фонд наменет за јавна корист. Според официјалното соопштение, почетното издвојување е условено со одобрение од акционерите, а планот овозможува уделот дополнително да расте за по два процентни поена при секое зголемување на вредноста на компанијата за 50 проценти, според утврдените услови.
Фондот треба да отвори можности за финансирање непрофитни организации, истражувања и помош за луѓето погодени од економските промени предизвикани од вештачката интелигенција. Компанијата сè уште треба да објави дополнителни правила за управувањето и распределбата на средствата. Најавата ја отвора пошироката дебата за тоа кому ќе му припадне економската добивка од развојот на ВИ и како ќе се ублажуваат последиците врз работните места.