Новиот мобилен оператор во Македонија, поврзан со унгарската телекомуникациска група „4иГ“, планира да ја користи сателитската мрежа „Старлинк“ на Илон Маск. Ова го изјави министерот за транспорт Александар Николоски во интервју за „360 степени“. Според него, операторот веќе најавил стратегиска соработка, а Македонија и Црна Гора би можеле да бидат меѓу првите земји во кои оваа технологија ќе се примени во рамките на комерцијални мобилни услуги.
Министерот посочи дека компанијата има обврска до март 2027 година да обезбеди покриеност на најмалку еден град, при што изборот паднал на Скопје. Тој очекува зголемената конкуренција да доведе до пониски цени на мобилните услуги. Сепак, засега нема објавен ценовник, ниту потврдена дата за почеток на комерцијалната услуга. За потрошувачите ќе биде важно да се види каква ќе биде реалната покриеност, брзината на интернетот и стабилноста на мрежата.
Фото: AI илустрација / Centar.mk