Црногорските власти објавија резултати од координирани инспекциски контроли кај производителите на пелети. Во акцијата биле спроведени 41 контрола и издадени десет прекршочни налози со вкупна вредност од 4.700 евра, додека во 13 случаи биле утврдени неправилности за кои е наложено отстранување.
Во инспекциската акција учествувале трудовата, пазарната, даночната, шумарската и инспекцијата за заштита при работа. Три фабрики биле затворени во денот на контролата, а надлежните најавиле дека и тие ќе бидат опфатени со дополнителни проверки.
Контролите се значајни во услови кога пелетите претставуваат важен извор на греење за многу домаќинства. Институциите наведуваат дека целта е законито работење, заштита на вработените и спречување пазарни неправилности.