Германската медиумска групација Axel Springer е заинтересирана за преземање удел во европскиот деловен сегмент на TikTok. Според информации на Financial Times“, извршниот директор Матијас Депфнер разговарал за ваквата можност со американскиот амбасадор во Франција, Чарлс Кушнер.
Предлогот наводно се заснова на модел сличен на американското преструктурирање на TikTok, каде прашањата за сопственоста, алгоритмот и управувањето со корисничките податоци беа дел од политичките и деловните преговори.
Засега нема официјално потврден договор за преземање удел во европскиот бизнис на платформата. Станува збор за медиумски информации за интерес и прелиминарни разговори.