Бесими: Задолжувањето од 600 милиони евра ќе биде според планираното во Буџетот за 2022

Во Буџетот за 2022 година, кој е усвоен во Собранието, предвидено е задолжување од 600 милиони евра. Од нив 545 милиони евра се за покривање на дефицитот, планиран во Буџетот и останатиот дел е за зголемување на депозитите што вообичаено се оставаат на крајот на годината за наредна година за резерви.

Ова го истакна министерот за финансии Фатмир Бесими во гостување на 24 Анализа, потенцирајќи дека она што државата годинава ќе се задолжи се 600 милиони евра.

Предвиденото задолжување, како што напомена, можеби ќе се прави на надворешниот пазар, со оглед на актуелните состојби и движењата на надворешниот пазар, а со цел да се остави повеќе средства на домашниот пазар за економијата. Но, посочи дека не е исклучено и да се направи дел на надворешниот, дел на домашниот пазар.

Тој наведе се прават сите подготовки за издавање на Еврообврзница, која е планирана со Буџетот за 2022 година.

„Подготвено е се. Се анализираат сосотојбите за да се излезе на пазарот тогаш кога ќе има најповолни услови, односно да се постигне најниска цена, со оглед на тоа што условите се сега сменети и каматните стапки, односно за разлика од минатата година тие се повисоки. Ние како држава немаме проблем со ликвидноста, не се брзаме дека мора да го направиме тоа денес, утре. Чекаме кога е најповолен момент и согласно експертските препораки, тие што ги следат движењата, тогаш да го направиме тоа, изјави минитерот.

Рече дека тоа се прави со надворешните конзорциуми со кои се врши подготовката за издавање на Еврообврзницата, со кои се спроведени успешни процеси, како и последната издадена Еврообврзница од минатата година со историски најниска каматна стапка

Можеби ќе ве интересира...

Од денеска камионите кои минуваат меѓу Србија и Северна Македонија ќе се мерат само еднаш

BiznisPRO

Едноставен и ефикасен трик: Еве како да ја намалите сметката за греење

BiznisPRO

РКЕ објави калкулатор со кој секое домаќинство може само да си направи пресметка за потрошената струја

BiznisPRO