Белград / фото Бизниспро

Дали вреди долгорочно: Повеќе од 47% милениумци сакаат да живеат со своите родители уште најмалку две години

Повеќе млади луѓе останаа да живеат со своите родители во периоди на економска несигурност. Кон крајот на Големата криза, 48 отсто од младите.

Бројот на млади кои живеат со своите родители во Обединетото Кралство е зголемен за 620.000 во последните десет години, што е тренд и во САД, каде во две децении е забележан пораст од 87 отсто, а сега повеќе од 50 проценти од сите млади луѓе во Америка сè уште не го напуштиле гнездото на своите родители.

Според истражувањето на RentCafe, повеќе од 47 отсто од милениумците, како и 41 отсто од членовите на генерацијата Z сакаат да продолжат да го споделуваат својот дом со другите членови на семејството уште најмалку две години, пишува Бизнис инсајдер.

Историски гледано, повеќе млади луѓе останаа со своите родители во периоди на економска несигурност. Кон крајот на Големата економска криза, 48 отсто од младите на возраст меѓу 18 и 29 години не го напуштиле домот на своите родители. Истото важи и за светската финансиска криза (44 отсто), а овие стапки беа надминати во 2020 година.

По рецесијата што го зафати светот во 2008 година, милениумците беа првата генерација која масовно остана дома, а генерацијата Z ги следи нивните стапки.

Младите се подолго и подолго остануваат со родителите бидејќи тоа им е поисплатливо. Ним им изгледа попаметно, но долгорочно може да ги чини многу, посочија третина од Американците анкетирани во истражувањето на Истражувачкиот центар Пју спроведено во октомври 2021 година. Само 16 отсто од анкетираните сметаат дека оваа одлука е добра за младите, а причина за тоа се вртоглаво високите цени на изнајмување.

Многумина кои живеат со своите родители чувствуваат дека немаат избор, но прашање е дали тоа долгорочно се исплати.

Можеби ќе ве интересира...

Убава вест: Оваа банка пензиите ќе ги исплати предвреме

BiznisPRO

ИНВЕСТИЦИИ ВО ФИЛМСКАТА ИНДУСТРИЈА Амазон во аквизиција тешка 8,5 милијарди долари

BiznisPRO

По 140 години – се затвора една пекара

BiznisPRO