Во ексјугословенската држава, а сега членка на ЕУ, Република Хрватска сезонски работат илјадници Македонци.
Добра вест е што голем број хрватски компании ќе ги зголемат платите на вработените и ќе продолжат да вработуваат нови работници, е заклучокот од полугодишното истражување на Manpower за таа земја.
Според истражувањето, дури 76,35 отсто од работодавачите во Хрватска планираат да ги зголемат платите на своите вработени во првата половина на 2025 година.
Најчесто очекуваното зголемување на платите што го планираат 35 отсто од работодавачите се движи меѓу и десетшест отсто, додека 11 отсто од компаниите размислуваат за зголемување на платите од 11 до 20 отсто.
Компаниите првенствено сакаат да ги зголемат платите за да ги задржат своите вработени, што како главна причина го наведуваат 65,73 отсто од фирмите, додека 61,03 отсто сакаат платите да се прилагодат на инфлацијата.
Приближно една третина од компаниите во Хрватска, покрај зголемувањето на платите, ќе обезбедат и дополнителни бенефиции за работниците, како што се бонуси и субвенции за превоз, додека 63,06 отсто не предвидуваат значителни промени во тој сегмент.
Македонците најмногу работат во секторот туризам и угостителство, а според податоците над 84 отсто од анкетираните компании донекаде ќе ги зголемат платите
Побарувачката за работна сила во Хрватска е голема, па 61 процент од работодавачите очекуваат да вработат повеќе работници отколку да отпуштат работници.
Најбарана работна сила е во градежниот, производствениот и туристичкиот сектор, а 32 отсто од анкетираните компании планираат да ангажираат странски работници, многумина од нив се Македонци, Босанци, Срби…