Инфлацијата во февруари за 0,4 насто повисока во однос на месец јануари

Инфлацијата мерена преку индексот на трошоците на животот во февруари 2024 година, во однос на јануари 2024 година, изнесува 0.4 %.

Зголемувањето на инфлацијата во февруари 2024 година, во однос на јануари 2024 година, е резултат на зголемувањето на трошоците на животот во следните групи: транспорт за 1.6 %, разновидни стоки и услуги за 0.8 %, храна и безалкохолни пијалаци за 0.5 %, мебел, покуќнина и одржување на домаќинствата, здравје за 0.4 %, домување, вода, електрика, гас и други горива, алкохолни пијалаци, тутун и наркотици за 0.2 %.
Во февруари 2024 година, во однос на јануари 2024 година, намалување на трошоците на животот е забележано во
следните групи: облека и обувки за 0.3 %, рекреација и култура, ресторани и хотели за 0.1 %.

Трошоците на животот во групите: комуникации и образование остануваат на исто ниво како и во претходниот месец.
Индексот на цените на мало во февруари 2024 година во однос на јануари 2024 година изнесува 100.3.

Индексот на трошоците на животот во февруари 2024 година, во однос на февруари 2023 година, бележи зголемување од 3.0 %, а индексот на цените на мало бележи зголемување од 2.7 %.

Можеби ќе ве интересира...

Девизен курс за 12 март 2024

BiznisPRO

Доаѓаат повеќе пари за пензионерите – еве кога да ги очекуваат

BiznisPRO

SEED+ ја зајакнува Стратегијата за управување со царински ризик на ЦЕФТА 2025-2028 во Палермо

BiznisPRO