Наскоро започнува големо саемско освежување во Скопје, Саем на мебел од 20 до 24 март со неодоливи понуди

Домот треба да биде приказна што ќе раскажува кои сте вие, а Саем на мебел дефинитивно ќе биде воведот во новата приказна за вашиот личен простор.

За само две недели отсега следува големо саемско освежување во Скопје. Од 20 до 24 март ќе се одржи овогодинешното издание на Саем на Мебел во комплексот „Борис Трајковски“ со неверојатен избор, исклучителни понуди и неодоливи цени.

За ова саемско издание, организаторите обезбедија соодветен капацитет, односно изложувачите и посетителите ќе ги пречекаат во поголем изложбен простор, уреден по високи стандарди со оригинален концепт.

Посетителите ќе имаат можност на едно место да најдат сѐ што им е потребно за да го освежат домот, од едноставен и минималистички мебел до префинети и впечатливи парчиња мебел. Исто така, секој ќе може да ја искористи ексклузивната можност, односно да добие професионален совет за комбинирање на различни бои и материјали, насоки за максимално да го искористат нивниот простор со мебел со идеални димензии, а сепак да биде модерен и трендовски.

Комерцијална банка АД Скопје повторно ќе биде Партнер на Саемот на мебел. На својот штанд ќе ја претстави понудата на кредитни производи и картички и ќе им ја понуди потребната поддршка на посетителите на Саемот за лесно и едноставно да го обезбедат посакуваното парче мебел.

На Саемот ќе учествуваат многу изложувачи со над 70 претставени домашни и меѓународни брендови, кои со сигурност ќе бидат вистинското освежување за сечиј дом.

Овој Саем ќе понуди голем избор на мебел, поволни цени, совети за уредување и финансиска поддршка, затоа посети го Саем на мебел 2024 и „Освежи го својот дом“ брзо, лесно, едноставно и стилски.

Можеби ќе ве интересира...

Внимавајте кога потпишувате договор: Тврдат дека имате неограничен интернет во вашиот пост пејд пакет за мобилен, но има ѕведичка која кажува друго

BiznisPRO

Субвенциите за купување на куќа или стан од 50.000 евра можат да стигнат до 20.000 евра: Целосен прирачник како да аплицирате за нов стан/куќа и да добиете субвенции

BiznisPRO

Народната банка продолжува со збогатување на статистиката ‒ нов показател за должничките хартии од вредност

BiznisPRO