Цените на нафтата на светскиот пазар денеска се во пораст откако Кина презеде чекори за зајакнување на својата економија.
Кина го преполови данокот на тргување со акции, што е последен во серијата обиди да го зајакне пазарот.
Во Лондон цената на суровата нафта „брент“ од Северното Море се зголеми за 40 центи или 0,5 отсто и сега изнесува 84,88 долари за барел.
Во Њујорк цената на лесната сурова нафта е повисока за 42 центи или 0,5 отсто и изнесува 80,25 долари.
– Вниманието на пазарот денеска е насочено кон кинеските мерки за поддршка на економијата – нагласи пазарниот аналитичар од банката „Саксо“ Оле Хансен.