Деновите на Португалија како крипто даночен рај се одбројани. Министерот за финансии Фернандо Медина објави во петокот пред состанокот на португалскиот парламент дека крипто средствата во земјата наскоро ќе бидат подложни на данок на капитална добивка, пишува португалскиот медиум ECO.
Изјавата претставува конечна промена во односот на Португалија према криптото. Од 2018 година, земјата го третира тргувањето со криптовалути како размена на валута, а не како инвестиција. Данокот во иднина ќе биде 28 проценти.
Поради нејзината ефективна даночна стапка од нула проценти, Португалија стекна репутација како еден од најатрактивните крипто даночни раеви во светот. Делумно поради тоа, главниот град Лисабон стана глобален крипто центар.
Португалските власти во петокот не го врамија овој значаен пресврт во односот на земјата кон криптовалутите како отстапување од кој било став што некогаш бил соодветен за бизнис. Наместо тоа, пратениците тврдат дека Португалија отсекогаш имала намера да ги регулира криптовалутите и внимателно следела како другите земји ги приспособувале своите закони.