Проф. Д-р. Кочо Анѓушев нов претседател на Македонската Енергетска Асоцијација (МЕА) во рамките на комората

Македонската енергетска асоцијација (МЕА), на седницата одржана во просториите на Стопанската комора на Северна Македонија, го избра проф. д-р Кочо Анѓушев, редовен професор на Машинскиот факултет, за нов претседател на МЕА.

Енергетската асоцијација е постојано работно тело на Управниот одбор на Стопанската комора на Северна Македонија за разгледување прашања од областа на енергетиката. МЕА со своето дејствување придонесува во создавањето услови за стабилно снабдување со енергија, воспоставување транспарентни пазарни односи, иницирање и реализација на проекти кои имаат цел зголемување на енергетската ефикасност и за користење обновливи извори на енергија. МЕА соработува со невладини организации од областа на енергетиката, со научни институции, со факултети и со МАНУ, сѐ со цел унапредување на енергетската област во земјата.
На седницата, која се одржа на 18.3.2022 година во Комората, се дискутираше и за енергетската состојба во државата и за начинот за нејзино надминување. На седницата присуствуваа клучните чинители во енергетската сфера во земјава, кои се осврнаа на моменталната енергетска состојба и изнесоа ставови и проекции за натамошниот развој на состојбите.

Проф. д-р Кочо Анѓушев, како истакнат бизнисмен и човек кој има 20-ина години искуство во оваа област, во услови на драстично зголемување на цената на енергенсите на меѓународните пазари, континуирано и јавно укажува дека Северна Македонија, за да се справи со недостигот на енергенси од сопствено производство (а има капацитет), треба да ја следи (и да почне со примена на тоа што е напишано во) Енергетската стратегија (како државен документ), со среднорочниот и со долгорочниот план предвидени во неа.

Можеби ќе ве интересира...

Австрија наведе кога ќе стане независна од рускиот гас

BiznisPRO

Гаспром испорачува 42,4 милиони кубни метри гас дневно преку Украина

BiznisPRO

Галеника: Стратешко проширување ма портфолиото и раст на меѓународното деловно работење

BiznisPRO