Прометот во индустријата, вкупно, во август 2025 година во однос на август 2024 година, според главните индустриски групи, бележи опаѓање кај Интермедијарни производи, освен енергија за 5.5 %, Капитални производи за 5.6 % и Трајни производи за широка потрошувачка за 14.6 %, додека пораст бележи кај Нетрајни производи за широка потрошувачка за 0.8 %, информираше Државниот Завод за Статистика.
Прометот во индустријата, вкупно, во август 2025 година во однос на јули 2025 година, бележи опаѓање од 20.9 %, додека во периодот јануари – август 2025 година, во однос на периодот јануари – август 2024 година, бележи пораст од 6.7 %.
Прометот во индустријата на домашниот пазар во август 2025 година, во однос на август 2024 година, бележи пораст од 3.4 %, додека во периодот јануари – август 2025 година, во однос на периодот јануари – август 2024 година, бележи опаѓање од 0.7 %.
Прометот во индустријата на странските пазари во август 2025 година, во однос на август 2024 година, бележи опаѓање од 5.8 %, додека во периодот јануари – август 2025 година, во однос на периодот јануари – август 2024 година, бележи пораст од 8.5 %.