Санкциите ја намалија вредноста на рубљата, со што увезената храна значително поскапе
Руската влада инсистира граѓаните на таа земја да не треба да паничат поради достапноста на основните прехранбени производи.
– Целосно ги покриваме нашите потреби за шеќер и хељда. Нема потреба од паника, нема потреба да се трупаат тие стоки. Има доволно за секого – изјави вицепремиерката Викторија Абрамченко (Абрамченко), пренесува Би-Би-Си, повикувајќи се на Интефакс.
Абрамченко рече дека Русија годинава ќе ја зголеми површината на земјиштето што ќе се користи за сеење шеќерна репка и хељда. Таа, исто така, посочи дека санкциите против Русија досега не даваат основа за очекување недостиг на храна.
Таа рече дека Русија го проширува увозот од „пријателските земји“ со цел да ги гарантира залихите на млечни производи, овошје и зеленчук, месо и добиточна храна. Таа ги спомна поранешните советски држави во таа група, како и Турција, Индија и Кина.
Патем, санкциите ја намалија вредноста на рубљата, со што увезената храна значително поскапе. И покрај тврдењата на руските власти, Би-Би-Си објави фотографија од празните полици во еден трговски центар.