Компанијата Самсунг (“Samsung”) денес го објави глобалното лансирање на својата целосна линија телевизори за 2026 година, која ги опфаќа премиум моделите како Micro RGB, OLED и Neo QLED, како и мејнстрим моделите Mini LED и UHD. Во својата 20-та година како светски бренд број 1 за телевизори,[1] “Samsung” ги проширува функциите напојувани со вештачка интелигенција (AI) на повеќе модели, носејќи попаметна слика, звук и персонализирано искуство при гледањето до повеќе потрошувачи ширум светот.
Во 2026 година, “Samsung” ги проширува функциите на Vision AI Companion (VAC) низ својата линија на телевизори со 4K и повисока резолуција, што ја одразува неговата поширока стратегија вештачката интелигенција да стане централен дел од ТВ-искуството. Ова проширување го носи гледањето поддржано од AI во повеќе категории, големини на екрани и во согласност со различните потреби на потрошувачите.[2]
„Со нашата линија за 2026 година, “Samsung” поставува нов стандард за AI телевизорите ширум светот“, изјави Хун Ли (Hun Lee), Извршен Потпретседател на Одделот за Визуелни Дисплеи (Visual Display – VD) во “Samsung”. „Samsung AI” телевизорите одат чекор подалеку од забавата за да испорачаат практични придобивки во секојдневниот живот, помагајќи им на луѓето побрзо да го најдат она што го сакаат, полесно да уживаат во содржините и максимално да го искористат времето поминато пред телевизорот.“
Vision AI Companion носи попаметно и поимерзивно гледање
Vision AI Companion (VAC) ги обединува најширокиот спектар на платформи за услуги со вештачка интелигенција на “Samsung”, вклучувајќи ги Bixby, Perplexity и Microsoft Copilot, со цел ТВ-искуството да го направи поинтелигентно и поперсонализирано. Дизајниран да работи заедно со корисниците како придружник за забава, Vision AI Companion може да им помогне во насочувањето околу тоа што да се гледа, што да се јаде и што да се слуша, проширувајќи ја улогата на телевизорот надвор од самото гледање содржини. Линијата на телевизори со ВИ исто така носи забавни функции подобрени со вештачка интелигенција за филмови, спорт и гејминг:
- AI Upscaling Pro: Функцијата користи вештачка интелигенција за анализа и подобрување на содржините со ниска резолуција во реално време, испорачувајќи поголеми детали, длабочина и контраст, додека Color Booster Pro ги анализира и категоризира сцените за да обезбеди поживописни и пореални бои.
- AI Soccer Mode: Оваа функција ги анализира фудбалските сцени во реално време за да ги оптимизира сликата и звукот за поглатко движење на топката, живописни бои и поимерзивен аудио-амбиент од стадионот.
- AI Sound Controller Pro: во реално време ги анализира дијалозите, позадинската музика и звучните ефекти, овозможувајќи им на корисниците да ги прилагодат елементите како што се коментарите и бучавата од публиката за поимерзивно искуство.
Micro RGB: Дефинирање на иднината на премиум квалитетот на сликата
Micro RGB го проширува премиум ТВ-искуството на “Samsung” во поширок опсег на големини на екрани, носејќи високо прецизни бои, светлина и импресивно гледање со AI до повеќе потрошувачи. Достапна во сериите R95H и R85H во големини од 55 до 115 инчи, Micro RGB е развиен на основа на сопствената Micro RGB технологија на “Samsung”, која користи индивидуално контролирани црвени, зелени и сини микро LED диоди за да испорача високо прецизна контрола на светлината, побогати детали и поприродни бои. Дополнително, технологијата Glare Free ја минимизира рефлексијата на светлината во светли средини, помагајќи да се зачува јасното искуство при гледањето во различни светлосни услови.
Micro RGB исто така го носи Vision AI Companion (VAC) со Gemini и други функции оптимизирани за AI во премиум категоријата на големи екрани на “Samsung”, додавајќи поинтелигентни и поперсонализирани искуства при гледањето. Micro RGB AI Engine Pro ги усовршува бојата, движењето и длабочината, така што гледачите остануваат внесени во секоја сцена. Со Micro RGB Precision Color 100, изразот на боите изгледа поцелосен и пореален, со поддршка за 100% покриеност на боите според стандардот BT.2020.
Micro RGB Color Booster Pro и Micro RGB HDR Pro ја користат AI технологијата на “Samsung” за дополнително да го усовршат квалитетот на сликата преку оптимизирање на бојата и контрастот сцена по сцена, помагајќи да се испорачаат поживописни визуелни ефекти во широк опсег на нивоа на светлина.
Зајакнувајќи го фокусот на “Samsung” на премиум удобност при гледањето, моделот R95H ги доби и сертификатите “Безбеден за очите“ и “Дисплеј со циркадијален ритам“ од “Verband Deutscher Elektrotechniker“, водечки глобален институт за тестирање со седиште во Германија.
OLED: Проширување на линијата за повеќе преференции при гледањето
OLED телевизорите на “Samsung” за 2026 година ги вклучуваат моделите S99H, S95H, S90H и S85H, нудејќи длабоки нијанси на црна боја, богати бои, имерзивни перформанси и префинет дизајн низ поширок спектар на преференции за гледање. Технологијата Glare Free, претходно достапна само на моделот S95F, сега се проширува и на S95H и на S90H, помагајќи им на вистинските црни нијанси и богатите бои на екранот да останат јасни и непречени, дури и во светли простории.
На предводникот во линијата, моделот S95H, “Samsung” додава премиум карактеристики дизајнирани да ги подигнат и забавата и уметноста на повисоко ниво. Функцијата Pantone Validated ArtfulColor помага да се зачува автентичноста на оригиналните уметнички дела со верни бои и исклучителни детали, додека Art Store ги проширува уметничките искуства на “Samsung” и на OLED екраните. Дизајнот FloatLayer на овој модел, исто така, му дава на екранот полесен и попрефинет изглед кој поприродно се вклопува во домот.
За играње игри и гледање спорт, пакетот Ultimate Gaming Pack на Samsung OLED помага брзите движења да останат јасни и прецизни. Ги обединува Motion Xcelerator 165Hz, поддршката за клучните VRR платформи, како AMD FreeSync Premium Pro и NVIDIA G-SYNC Compatible, како и алатките за брз пристап до игрите, со цел непречена и интуитивна игра.
За љубителите на фудбалот, AI Soccer Mode Pro на моделите S95H и S90H и AI Soccer Mode на S85H ги оптимизираат сликата и звукот во реално време за поимерзивно доживување на натпреварите дома.
The Frame: Подигнување на Art TV искуството
Линијата The Frame вклучува модели дизајнирани за различни простори и потреби за инсталација. Низ целата линија, корисниците можат да уживаат во режимот Art Mode со пристап до над 5.000 професионално селектирани уметнички дела, заедно со искуства персонализирани од страна на Vision AI Companion. Моделот The Frame Pro (LS03HW) се одликува со Neo QLED квалитет на сликата и безжично поврзување Wireless One Connect. Моделот The Frame (LS03HA) комбинира QLED квалитет на сликата со One Connect Box и речиси невидлив кабел. Достапен е и модел за вградена инсталација на The Frame (LS03HE) за простории кои бараат почист и поинтегриран изглед. Ова е новост во 2026 година.
Клучните карактеристики на The Frame Pro вклучуваат:
- Тенката 24.9mm длабочина на дизајнот помага The Frame Pro да испорача попрефинет профил инспириран од уметноста.
- Модерен дизајн на рамката и безжичното поврзување Wireless One Connect: обезбедуваат почисто поставување без потреба од кабли кои се видливи на ѕидовите.
- Neo QLED квалитет на сликата: во комбинација со Pantone Validated ArtfulColor и технологијата Glare Free, испорачува богат контраст, реален приказ на бои налик на хартија и појасни детали, дури и во светли простории.
Клучните карактеристики на The Frame (модел LS03HE) вклучуваат вграден дизајн кој овозможува лесно поврзување на каблите во ѕидот, додека истовремено го зачувува култниот изглед на The Frame, припиен рамно до ѕидот.
Neo QLED: Подобрен квалитет на сликата со поповрзани искуства
Neo QLED на “Samsung”“ обединува подобрен AI квалитет на сликата и повеќе поврзани искуства при гледањето низ моделите QN80H и QN70H, при што QN80H е достапен во големини од 50 до 100 инчи, а моделот QN70H во големини од 43 до 85 инчи. Секој модел ја испорачува светлината, контрастот и паметната оптимизација што се очекуваат од вистинско QLED искуство.
Сертифициран од TÜV Rheinland како вистински QLED телевизор, Samsung Neo QLED користи сино позадинско осветлување и автентичен слој од квантни точки (Quantum Dot) за одржување стабилен спектар на бои и конзистентни перформанси на сликата. Real QLED со 100% волумен на бои помага бојата да остане прецизна и стабилна, дури и при високи нивоа на светлина. Quantum Mini LED исто така овозможува ултра прецизна контрола на светлината, создавајќи подлабок контраст, појасни детали и поконзистентна светлина од сцена во сцена.
Vision AI Companion (VAC) го прави искуството на гледање понепречено и свесно за контекстот, природно прикажувајќи корисни информации на екранот без да ја прекинува содржината. Низ целата линија на Neo QLED, “Samsung” ги проширува искуствата со слика и движење напојувани со вештачка интелигенција, вклучувајќи и 4K Upscaling, со гејминг перформанси до 144Hz достапни на одредени модели, додека процесорот NQ4 AI помага да се оптимизираат сликата и звукот за широк опсег на содржини.
Mini LED: Оптимизиран за вештачка интелигенција, направен подостапен
Samsung Mini LED носи посветло и побогато искуство на гледање до повеќе корисници. Попрецизната контрола на светлината и технологијата Pure Spectrum Color им даваат на сликите поголема длабочина и јасност, како и контраст кој изгледа подефиниран од сцена во сцена. Со два различни модели, “Samsung” ги прави Mini LED и гледањето напојувано со вештачка интелигенција достапни за повеќе потрошувачи.
Моделот M80H, достапен во големини од 85, 75, 65 и 55 инчи, го испорачува најнапредното Mini LED искуство во линијата, комбинирајќи го квалитетот на сликата на Mini LED на Samsung со поширок сет на AI карактеристики за спорт, гејминг и секојдневно гледање:
- Motion Xcelerator 144Hz: ја одржува динамичната содржина глатка и јасна.
- NQ4 AI Gen2 процесор: ја придвижува оптимизацијата на сликата водена од вештачка интелигенција.
- AI Sound Controller: ги одржува дијалозите јасни и ги балансира гласовите и звучните ефекти во реално време.
- Дополнителни AI и персонализирани функции: дополнително го прошируваат искуството во игрите и содржините.
Понуден во големини од 85, 75, 65, 55, 50 и 43 инчи, моделот M70H ги носи клучните придобивки на Mini LED во подостапна класа, со фокус на секојдневниот квалитет на сликата, стабилното движење и импресивното гледање спортски содржини.
- Mini LED HDR: додава подинамично искуство при гледањето.
- Mini LED Процесор 4K: ги оптимизира секојдневните перформанси на сликата.
- Motion Xcelerator: помага сцените со брзи движења да останат поглатки и полесни за следење.
- Адаптивен звук: одржува појасен и избалансиран звук.
Music Studio 7 и 5: Лајфстајл аудио дизајнирано за модерни простори
“Samsung” исто така ја проширува својата линија на лајфстајл аудио уреди со Music Studio 7 и Music Studio 5, спојувајќи го импресивниот звук со дизајн кој природно се вклопува во модерните простори и секојдневните животни средини. Новите модели се надоврзуваат на долгогодишното лидерство на “Samsung” во премиум домашниот аудио сегмент, вклучувајќи го и неговиот 12-годишен статус како бренд број 1 за саундбар звучници во светот,[3] притоа помагајќи да се создаде помоќен интегриран екосистем кој поддржува поширок спектар на комбинации на звучни системи и побогато аудиовизуелно искуство.
Music Studio 7 (HW-LS70H-Black, HW-LS71H-White) испорачува моќно 3.1.1-канално аудио искуство дизајнирано за побогато и поекспресивно слушање. Клучните карактеристики вклучуваат:
- Hi-Resolution Audio и Dolby Atmos®: подетална и поимерзивна репродукција на звукот, додека неговиот супер-високотонец (super tweeter) го проширува фреквентниот одзив до 35kHz за подобрени музички детали.
- Проширен Q-Symphony: им овозможува на корисниците да поврзат до пет компатибилни звучни уреди со “Samsung“ телевизор за да изградат поимерзивно аудиовизуелно искуство дома.
- Создаден за природно поврзување со телевизори со големи екрани: две единици Music Studio 7 поставени од двете страни на голем екран можат да создадат поизбалансиран изглед на ентериерот, истовремено проширувајќи ја стерео звучната сцена.
Music Studio 5 (HW-LS50H-Black, HW-LS51H-White) носи импресивен звук во покомпактен формат на звучници. Изграден за безжичен стриминг на музика, тој поддржува репродукција со висока резолуција и лесно секојдневно слушање. Карактеристиките вклучуваат:
- Дизајн со точки од Ерван Бурулек (Erwan Bouroullec): префинет, дизајнерски напреден изглед на звучникот кој беспрекорно се вклопува во секој ентериер.
- Динамична контрола на басот со вештачка интелигенција (AI Dynamic Bass Control): сопствена технологија на “Samsung“ која испорачува моќен звук во компактна форма, истовремено продлабочувајќи ги ниските фреквенции без изобличување.
- Samsung Audio Lab: го штима звучникот, кој користи 4-инчен вуфер и двојни високотонци со вграден брановод за јасен, балансиран звук, додека поддршката за Dolby Atmos® додава поимерзивно искуство при слушањето.
За повеќе информации за линијата на AI телевизори на “Samsung” за 2026 година, посетете ја страницата www.samsung.com.
[1] Omdia Q4 2025 Public Display Report, според продажба на единици.
[2] Бројот на серии и модели се заснова на глобалната линија за лансирање и може да варира во зависност од регионот.
[3] Според Future Source, Samsung достигна 21,5% од глобалниот приход од саундбари и 19,7% од волуменот на испорачани единици во 2025 година, продолжувајќи ја својата лидерска серија што започна во 2014 година.
фото Самсунг / ПР фотографија
ПОПУЛАРНО НА ИНТЕРНЕТ...