Цените на големо во Германија во февруари паднаа за три отсто на годишно ниво, покажуваат денеска објавените податоци од германската федерална статистичка служба Destatis. Цените на германскиот пазар на големо паѓаат единаесет месеци по ред на годишно ниво, а претходно во јануари паднаа за 2,7 отсто, се наведува на веб-страницата на споменатата организација.
Цените на житариците, непреработениот тутун, семките и сточната храна се намалени за 20,8 отсто, а цените на хемиските производи за 15 отсто или металите и металните руди за 14,4 отсто. Наспроти ова, големопродажните цени на овошјето и зеленчукот се зголемени за 7,3 отсто, на пијалаците за 5,1 отсто, а на тутунските производи за пет отсто.
На месечна основа, големопродажните цени во Германија во февруари паднаа за 0,1 отсто.