Големите, средните и малите трговци кои вршат дејност трговија на мало, со шифра 47 согласно со Националната класификација на дејности – НКД Рев. 2.1, се должни на својата веб-страница да ја објават, одделно за секој свој продажен објект, тековната продажна, односно единичната цена во моментот на објавување на секоја стока што ја нудат за продажба. Усогласувањето на цените ќе се врши на дневна основа, стои во Законот за заштита на потрошувачите чиј измени беа донесени во вторникот.
Законот на сила ќе стапи откако ќе биде објавен во Службен весник, а трговците имаат рок од 45 дена да го усогласат своето работење со одредбите од овој закон.
Исто така познато е дека од 20.ти февруари на трговците им е ограничена и маржата за основните производи, по ценовниот шок кој удри по џебот на граѓаните во изминатите месеци.