Регулаторната комисија за енергетика и водни услуги (РКЕ) донесе нова одлука со која од полноќ се намалуваат малопродажните цени на нафтените деривати.
Според пресметките, малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 0,50 денари по литар. По ова намалување, литар ЕУРОСУПЕР БС-95 ќе чини 74,50 денари, а литар ЕУРОСУПЕР БС-98 ќе се продава по 76,50 денари.
Истовремено, малопродажната цена на ЕУРОДИЗЕЛ (Д-Е V) се намалува за 1,00 денар по литар, и од полноќ ќе изнесува 68,50 денари.
Од РКЕ потсетуваат дека корекцијата на цените е резултат на промените на берзанските котации на нафтените деривати и на курсот на денарот во однос на американскиот долар.
Новите цени ќе важат до следната пресметка, кога повторно ќе се направи усогласување во согласност со методологијата на Регулаторната комисија.