Поголемиот дел од приватните компании веќе започнаа со исплата на регресот за годишен одмор, популарно наречен К-15. Оваа година, износот за вработените во приватниот сектор во просек изнесува нешто над 18.000 денари, објави Centar.mk.
За вработените во јавната и административната служба, пак, се исплаќа значително понизок износ, кој се движи околу 12.000 денари.
Според законските одредби, регресот за годишен одмор може да достигне максимален износ до 45.000 денари, односно до висината на просечната месечна плата во државата. Сепак, конечната висина на К-15 ја утврдува секој работодавач поединечно, во согласност со своите финансиски можности.
Законот е недвосмислен – К-15 мора да биде исплатен најдоцна до 31 декември 2025 година. Во спротивно, за работодавачите следуваат строги парични казни.
Вработените кои нема да добијат К-15 во законскиот рок имаат право да поднесат пријава до надлежните институции, пишува Centar.mk.