Почнувајќи од 1 декември 2025 година, благодарение на продуктивната соработка помеѓу државната нафтена компанија на Република Азербејџан – SOCAR, M-Gaz и CNG Systems, природен гас од Азербејџан се испорачува до приватни и индустриски потрошувачи во Македонија. Станува збор за пилот-проширување на проектот за виртуелна гасификација што од 2024 година се реализира во Бугарија, а сега и на територијата на Северна Македонија.
Проектот во партнерството помеѓу SOCAR, M-Gaz и CNG Systems започна со испорака на компримиран природен гас (CNG) до индустриски и приватни субјекти кои не се поврзани на гасоводна или дистрибутивна мрежа. SOCAR, преку M-Gaz, обезбедува потребни количини природен гас за компанијата CNG Systems, која потоа ги снабдува индустриските и приватните потрошувачи во Струмица. Во градот е изградена гасна дистрибутивна мрежа, која се снабдува со компримиран природен гас.
Со ова партнерство, азербејџанскиот природен гас обезбедува греење и топла вода во 6 детски градинки, 8 училишта, една болница, неколку административни објекти на Општина Струмица како и за повеќе од 400 домакинства, но и за неколку индустриски потрошувачи.
SOCAR продолжува преку ефикасната соработка со M-Gaz и CNG Systems да ги поддржува и унапредува проектите во Бугарија а во наредниот период и во Северна Македонија.
ПОПУЛАРНО НА ИНТЕРНЕТ...