За креатори, од креатори: Самсунг (Samsung) професионален APV кодек поддржан на Galaxy S26 UltraSamsung Galaxy веќе долго време е уред кој го избираат креатори од сите видови кои сакаат да снимаат впечатлива содржина со професионален квалитет, а со Galaxy S26 Ultra тоа искуство станува уште подобро.
“Samsung” разви свој “Advanced Professional Video“ (APV) кодек во соработка со компанијата “Qualcomm Technologies, Inc.“ како отворен стандард за професионално снимање видео, со цел оваа технологија да биде достапна за што поголем број корисници. Беа потребни години блиска соработка меѓу двете компании за APV да стане реалност на чипсетот Snapdragon® 8 Elite Gen 5 Mobile Platform за Galaxy[1], кој го напојува Galaxy S26 Ultra. APV е најновиот пример за посветеноста на компанијата “Samsung” да го стави корисничкото искуство на прво место, преку соработка со другите лидери во индустријата.
Што е Samsung Advanced Professional Video (APV) кодек на Galaxy S26 Ultra?
Galaxy S26 Ultra е првиот уред кој поддржува APV, овозможувајќи видео записи со повисок квалитет со поефикасна употреба на меморијата на уредот. За сите оние кои сакаат професионален квалитет на видеата без одрекување од практичноста и мобилноста на снимањето со паметен телефон, APV на Galaxy S26 Ultra претставува голема промена.
Како функционира APV?
Другите кодеци на паметните телефони првенствено ја намалуваат големината на датотеката и често не се оптимизирани за квалитетна обработка и монтажа. Кодекот APV овозможува поедноставно уредување и поголема креативна флексибилност. Сега, може да снимате видео на својот Galaxy уред кој во текот на монтажата се однесува како снимка од професионална филмска камера, притоа задржувајќи го високиот квалитет дури и по неколкукратни измени.
APV поддржува резолуција до 8К при 30 кадри во секунда и користи 10% помалку простор за зачувување во споредба со други слични формати, притоа задржувајќи го истиот објективен визуелен квалитет.
Како да го вклучите APV на Galaxy S26 Ultra?
- Одете на Camera > Settings > Video Format > APV
- Одберете го посакуваниот начин на контрола: APV HDR или APV Log
- Одберете вид на компресија на датотеката:
- APV 422 HQ (видео со висок квалитет)
- APV 422 LQ (оптимизирано согласно капацитетот за зачувување и ограничена брзина за пренос на податоци)
- Во Camera Preview вклучете го или исклучете го одбраниот режим на снимање
- Корисниците исто така можат снимките со APV кодек да ги зачуваат директно на екстерна USB меморија: Одете на Camera > Settings > Save to External Storage.
Дознајте повеќе за APV кодекот овде и откријте ги можностите на Galaxy S26 Ultra уредите и сите најнови Galaxy уреди на: www.samsung.com/mk.
Не сте сигурни дали сте подготвени да преминете на Galaxy? Пробајте ја опцијата “Try Galaxy“ и тестирајте некоја од најновите функции на вашиот уред кој го имате в рака.
[1] Брендираните Snapdragon производи се производи на Qualcomm Technologies, Inc. и/или нејзините подружници. Snapdragon е трговска марка или регистрирана трговска марка на Qualcomm Incorporated.