Продажните цени на производителите на индустриски производи, вкупно (на домашниот и на странскиот пазар), во мај 2026 година во однос на претходниот месец се зголемени во секторот Рударство и вадење камен за 3.2 %, Преработувачка индустрија за 1.1 % и во секторот Снабдување со електрична енергија, гас, пареа и климатизација за 0.8 %, додека во секторот Снабдување со вода; отстранување вода, управување со отпад и дејности за санација на околината остануваат непроменети, објави ДЗС.
Во мај 2026 година, во однос на истиот месец од претходната година, продажните цени на производителите на индустриски производи, вкупно, се зголемени во секторот Рударство и вадење камен за 23.2%, во секторот Преработувачка индустрија за 5.1 %, во секторот Снабдување со електрична енергија, гас, пареа и климатизација за 10.7 % и во секторот Снабдување со вода; отстранување вода, управување со отпад и дејности за санација на околината за 6.4 %.