Возачите утре повторно ќе го очекуваат новиот ценовник на Регулаторната комисија за енергетика, кога во рамки на редовната пресметка треба да бидат утврдени максималните малопродажни цени на нафтените деривати.
Во моментов ЕУРОСУПЕР БС-95 се продава по максимална цена од 100,50 денари за литар, ЕУРОСУПЕР БС-98 по 102,50 денари, додека ЕУРОДИЗЕЛ БС чини 99 денари за литар. Екстра лесното масло е 109,50 денари за литар.
Последната одлука на РКЕ донесена на 14 септември донесе просечно зголемување на цените на нафтените деривати од 2,86 проценти. Бензините тогаш поскапеа за 3,50 денари за литар, додека дизелот поевтини за два денари.
Дали од утре ќе следува ново поскапување, поевтинување или цените ќе останат непроменети, ќе биде познато по новата пресметка на РКЕ. При формирањето на цените влијаат движењата на референтните цени на нафтените деривати на светските пазари, како и курсот на денарот во однос на американскиот долар.