Од денеска во Црна Гора важат нови максимални малопродажни цени на горивата. Според Министерството за енергетика и рударство, Еуросупер 95 поскапува за три евроценти, на 1,83 евра за литар, додека Еуросупер 98 поскапува за два евроцента, на 1,86 евра. Еуродизелот поевтинува за еден цент и ќе чини 1,97 евра за литар, а маслото за греење поскапува на 2,01 евро за литар.
Пресметката е направена со примена на владини мерки за намалена акциза, и тоа 10 проценти за бензините и 20 проценти за дизелот. Новите цени важат од 20 до 26 октомври, а следната пресметка е предвидена за 26 октомври. Разликите во оданочувањето, акцизите и транспортните трошоци објаснуваат зошто малопродажните цени на горивата не се исти во сите држави од регионот.