Бежовска: Инфлацијата почна да се намалува, очекувам да биде едноцифрена

Инфлацијата не доведе до класичен ценовен шок, но таа резултираше со покачување на каматните стапки, рече гувернерката на Народната банка, Анита Бежовска. Таа посочи дека минатиов период на светско ниво се случил најсинхронизиран циклус на затегнување на монетарните политики.

-Ние одговоривме преку стабилен девизен курс на домашната валута, рече Бежовска.

Таа додаде дека клучни аспекти биле курсот, односно девизниот пазар и инфлациските притисоци.

-Уште кон крајот на 2021 година забележавме притисоци и оттогаш реагиравме со монетарната политика одржувајќи ја ликвидноста, истакна гувернерката.

Таа додаде дека како резултат на преземените мерки, особено во сегментот на енергијата и храната, инфлацијата за првпат се намалила во ноември минатата година и очекува овој тренд да продолжи. Бежовска очекува инфлацијата да се симна на едноцифрен број.

Можеби ќе ве интересира...

РКЕ: Ново намалување на бензинот и дизелот, ова се новите цени

Бизнис про

Бајден одлучи: Пушта на пазарот уште 15 милиони барели нафта од стратешките резерви

Бизнис про

Државните електрани произведоа 11.111 MWh во текот на вчерашниот ден, а набавени се 2.400 MWh

Бизнис про