Чешка објави тендер за нов нуклеарен реактор – за Русите – забрането

Чешка објави тендер за изградба на нов реактор во нуклеарната централа Дуковани со цел да се зголеми производството на нуклеарна енергија.

Три компании ја поминаа безбедносната проверка: американската Вестингхаус, француската ЕДФ и корејската КХНП и се очекува тие да се натпреваруваат за овој вносен проект.

Проектот, проценет на шест милијарди евра, е најголемата поединечна инвестиција во Чешката Република, рече министерот за индустрија и трговија Јозеф Сикела.

Новиот реактор ќе биде петти во електраната Дуковани и треба да започне со работа до 2036 година. Четири постоечки беа завршени кон крајот на 1980-тите.

На тендерот поради безбедносни причини не можеа да учествуваат руски и кинески компании, меѓу кои и рускиот енергетски гигант Росатом и кинескиот CNG.

Чешкиот премиер Петр Фиала изјави дека учеството на Русија во овој важен проект е „незамисливо“ по руската инвазија на Украина.

Чешка има вкупно шест нуклеарни реактори кои произведуваат повеќе од една третина од електричната енергија во земјата. Покрај четирите во Дуковани, државното електростопанство ЧЕЗ работи со уште два реактори во електраната Темелин.

Можеби ќе ве интересира...

Биткоинот достигна највисоко ниво во последните две години: Неверојатен пораст на пазарот на криптовалути

BiznisPRO

КОМПАНИИТЕ ВО ГЕРМАНИЈА СО НАМАЛЕНИ ИНВЕСТИЦИИ: Погледнете зошто се случи тоа

BiznisPRO

Оваа земја се очекува да има најбрз раст на богатството во светот: Еве како стигнале до таму

BiznisPRO