Државата дели помош во пари од по 3000 денари месечно на илјадници граѓани – еве кој се’ ќе добие

Владата на денешната седница донесе нов сет на антикризни мерки во вредност од 350 милиони евра за справување со енергетската криза. Премиерот Димитар Ковачевски на денешната прес-конференција истакна дека севкупната поддршка за полесно пребродување на кризата во сите сфери досега изнесува 750 милиони евра. Дел од мерките ги опфаќаат социјално ранливите категории граѓани, невработените и пензионерите со ниски примања. Според планот, околу 42 илјади граѓани во наредните четири месеци ќе добиваат по 3 илјади денари.

„Тука спаѓаат лицата кои користат право на социјална сигурност, лица кои користат право на попреченост, родители на деца со попрченост до 26 годишна возраст, лицата со потешки трајни промени во здравстевната состојба, самохрани родители како и невработени. За оваа мерка се издвоени над 8 милиони евра.“ изјави Ковачевски.

Над 12 милиони евра се издвојуваат и за пензионерите кои земаат пензии до 14 илјади, а со мерките се опфатени и основните и средните училишта, кои ќе се приклучат на регулиран пазар за снабдување со електрична енергија, за што се издвоени 1 милион евра. Опфатени се и здравствените установи, како и мерните станици за водни пумпи за кои е обезбедена субвенција за струја.

Не ги забораваме и микро, малите и средни компании ,посочи Ковачевски за кои се предвидени посебни мерки.

„Една од мерките е прширување на опсегот на компании кои се корисници на кредитно-гарантна шема на развојната банка со олеснување на критериумите за аплицирање на обртни средства за што се предвидени околу 5 милиони евра“ рече Ковачевски.

Дел од мерките ќе стапат на сила со одлука на Владата, но за дел од мерките ќе треба да се преточат во законско решение кое се очекува идната недела да влезе во собраниска процедура.

Можеби ќе ве интересира...

Запрена државната помош за компанијата e.GO

BiznisPRO

Ново големо поскапување на бензинот – Ова се новите цени на горивата

BiznisPRO

Почнува исплатата на пензиите – еве по кој редослед

BiznisPRO