ЕУ оствари суфицит од 158 милијарди евра во стоковната трговија со САД

Минатата година Европската унија остварила суфицит од 158 милијарди евра во стоковната трговија со Соединетите Американски Држави, објави денеска Евростат.

Во 2023 година ЕУ извезла стоки во Америка за 502 милијарди евра, а увезла стоки за 344 милијарди евра.

Минатата година Европската унија увезла сурова нафта од САД за 42,4 милијарди евра, што претставува зголемување од 11,4 отсто во однос на 2022 година, како и медицински и фармацевтски производи за 32,5 милијарди евра, што е за 36,6 отсто повеќе во однос на 2022 година. .

ЕУ увезла природен гас од САД за 26,9 милијарди евра, што е пад од 44,8 отсто во однос на 2022 година.

Овој пад на вредноста на извозот е резултат на наглиот пад на цената на бензинот, а не на намалувањето на износот на увозот на гас од САД, кој се зголеми за 14 отсто на годишно ниво.

Соединетите Американски Држави се најголем партнер на Европската унија во извозот на стоки, со учество од 19,7 отсто, како и втор најголем партнер по Кина во увозот, со учество од 13,7 отсто.

Можеби ќе ве интересира...

Доларот зајакна во однос на повеќето други валути

BiznisPRO

Криза во Германија: Се повеќе работници губат работа

BiznisPRO

ОТКАЗ ЗА 7 МИНУТИ: Технолошкиот гигант ги шокираше вработените во одделот за маркетинг и комуникации

BiznisPRO