Просечната цена на сметките за гас за милиони Французи ќе се зголеми во просек за 11,7 отсто од 1 јуни, објави денеска Француската Регулаторна комисија за енергетика (CRE).
Поскапувањето изнесува 13,50 евра за мегават-час, што е пред се последица на поскапувањето на дистрибутивните цени на товар на мрежниот оператор GRDF и фактурирано на добавувачите, пренесува Фигаро.
Регулаторната комисија за енергетика предупреди дека ова поскапување доаѓа по неколкумесечни последователни падови на цената на бензинот и дека цените ќе продолжат да бидат пониски отколку во јануари 2024 година.
Како што е наведено, потрошувачката на гас во Франција се намалува, така што учеството на трошоците за дистрибуција на гас расте пропорционално и претставува сè поголема ставка на сметките на Французите.
Европските фјучерси на гас се продаваа денеска на отворањето на берзата ТТФ по цена од 33,1 евро за мегават-час.
ПОПУЛАРНО НА ИНТЕРНЕТ...