„Голдман Сакс“: Златото е подобра инвестиција од биткоинот

„Голдман Сакс“ очекува златото, со неговите реални двигатели на побарувачката, на долг рок да го надмине високо испарливиот биткоин.

Помалку е веројатно дека златото ќе биде засегнато од построгите финансиски услови, што го прави „корисна алатка за диверзификација на портфолиото“, особено затоа што е развиена нешпекулативна употреба на златото, додека биткоинот се користи за шпекулации, соопшти „Голдман“.

Анализата на „Голдман“ заклучи дека трговците користат злато за заштита од инфлација и пад на доларот, додека биткоинот наликува на „ризични технолошки акции“.

Вредноста на биткоинот, кој банката го нарече „решение кое бара проблем“, произлегува од опсегот на неговите идни случаи на употреба во реалниот свет, што го прави понестабилно и шпекулативно средство од благородниот метал.

Додека подготвеноста на инвеститорите да ја истражуваат децентрализираната валута помогна во усвојувањето на биткоинот, банката предвидува дека финансиските услови ќе станат построги. „ Нестабилноста на биткоинот исто така се засилува со системски проблеми, бидејќи неколку главни играчи веќе поднесоа барање за стечај“, соопшти банката, наведувајќи го колапсот на берзата ФТХ и хеџ фондот 3AC.

Можеби ќе ве интересира...

Цената на црното злато скокна на 81 долар: Главните причини се слабата побарувачка од Кина и САД и вознемиреноста поради најновите одлуки на ОПЕК

BiznisPRO

Датумот на продолжувањето со работа сè уште не е познат: BMW привремено го СУСПЕНДИРА ПРОИЗВОДСТВОТО во Шенјанг

BiznisPRO

Се намалува бројот на работни часови

BiznisPRO