Работниците во Германија постигнале историски раст на реалната заработка минатата година, објави во средата националната статистичка служба.
Според статистичката служба просечниот раст на реалната бруто заработка во земјата беше 3,1 отсто, што е повисоко од кога било откако Дестатис ја следи таа категорија.
Податоците велат дека платите се зголемија за 5,4 отсто, а инфлацијата се намали на 2,3 отсто. Ова се должи на колективните договори и големите бонуси за ублажување на ефектите од силната инфлација од претходните две години.
Сепак, според пресметките на фондацијата Ханс Беклер, пријателска на синдикатот, растот на платите сè уште не ја компензира инфлаторната загуба од 2020-23 година.
Платите според истражувањата сепак имаа помала куповна моќ отколку во 2019 година.
ПОВЕЌЕ ОД ИНТЕРНЕТОТ...