Граѓаните се ослободуваат од печките на пелети, огласниците полни – цената стигна над 320 денари за вреќа

Се повеќе граѓани се откажуваат од камините на пелети, а огласниците се преполни со огласи каде граѓаните ги продаваат по багателни цени.

Овие скапи камини кои нови чинат над 700 евра станаа буквално прескапи за користење со оглед дека една вреќа пелети од 150-160 денари за вреќа сега се продава за 300, 320, а на една бензинска пумпа од најголемиот ланец на бензински станици во Македонија затекнавме и цени од 380 денари за вреќа.

Оваа зима, не само што цените летнаа во облаци, туку и немаше пелети, па така многу граѓани мораа да бараат начин да го менуваат начинот на кој ќе го затоплат својот дом, па така атрактивни станаа инвертер клима уредите, но и многумина се вратија на традиционалниот начин на затоплување на домот со дрва.

Колку чини дневно затоплувањето со скапите пелети?

За затоплување на просторија од 50 квадрати се потребни 1,5 до 2 вреќи пелети за оптимална топлина. Доколку дневно трошиме по 2 вреќи пелети по просечна цена од 320 денари, вкупно за еден ден ќе потрошиме 640 денари.

Доколку трошиме 30 дена по 2 вреќи пелети, ова задоволство ќе не чини 19200 мкд/месечно.

Доколку греење уклучуваме од 15 октомври до завршувањето на потребата за топлење на домот – 15-ти март, тоа се пет месеци, односно грубо земеме дека тоа биле 150 дена, и ако секојдневно трошиме по 2 вреќи пелети ќе потрошиме 96.000 денари.

Можеби ќе ве интересира...

Скенирате ли фискални? – Најавено зголемување на прагот на повратот на ДДВ

BiznisPRO

Започна номинирањето за Жена на годината 2022

BiznisPRO

Рехабилитацијата на пистата на скопскиот аеродром почнува на 28 март и ќе трае 50 дена

BiznisPRO