Халкбанк АД Скопје, од денеска, 7 октомври 2025 година, започна со вршење кредитни трансфери во евра преку SEPA (Single Euro Payments Area) шемите на плаќање, овозможувајќи им на своите клиенти побрз, поедноставен и сигурен начин за трансфер на средства кон и од 40 земји членки.
Со воведувањето на SEPA трансферите, банката ја потврдува својата определба да ги следи современите финансиски трендови и да обезбедува решенија кои ги усогласуваат европските стандарди со потребите на локалните клиенти. SEPA овозможува поефикасни, поевтини и безбедни плаќања во евра, како за правни, така и за физички лица, со фиксни провизии од 250 денари за испраќање и 200 денари за примање средства, без разлика на износот на трансакцијата.
Халкбанк е современа дигитална банка со широк спектар онлајн производи и услуги, кои им овозможуваат на клиентите да управуваат со своите финансии од било кое место и во секое време. Банката нуди e-banking решенија, дигитални кредитни и платежни услуги, како и иновативни алатки за персонализирано управување со финансиските текови. Воведувањето на SEPA трансферите е природен продолжеток на оваа стратегија, овозможувајќи трансакции кои се брзи, сигурни и целосно дигитализирани.
Со SEPA трансферите, Халкбанк ја зацврстува својата улога како водечка дигитална финансиска институција која постојано ги следи трендовите и создава решенија прилагодени на потребите на клиентите. Сите услуги се развиени со фокус на удобноста и сигурноста на корисниците, овозможувајќи им секојдневното управување со финансии да биде едноставно и безгрижно, затоа што за Халкбанк – Важни се луѓето.
ПОПУЛАРНО НА ИНТЕРНЕТ...