фото Pixabay

Изгуби вртоглава сума: Руски милијардер не знае како да живее под санкциите

Рускиот олигарх Михаил Фридман во интервју за Блумберг истакна дека не знае како да живее откако пред три недели се најде под санкции.

Имено, Фридман, кој според индексот на милијардери на Бломберг моментално има нето богатство од 10,1 милијарди долари, беше санкциониран од ЕУ на 28 февруари, а Велика Британија на 15 март. Тој тогаш ги опиша санкциите на ЕУ како „неосновани и неправедни“ и најави дека ќе ги оспори.

Блумберг пишува дека од почетокот на инвазијата на Украина, богатството на Фридман паднало за четири милијарди долари.

Фридман, кој исто така е ко-основач на лондонската инвестициска компанија LetterOne и поранешен член на управниот одбор на руската банкарска групација Алфа-Банк, за Блумберг изјави дека санкциите значат и дека неговата последна валидна британска банкарска картичка е замрзната.

Тој тврди дека моментално живее во Велика Британија, има џепарлак од 2.500 фунти (3.300 долари) месечно и мора да аплицира до британската влада за да добие дозвола да ги потроши парите.

Инаку, Фридман поднесе оставка од менаџментот на Алфа-банка ден откако ЕУ го санкционираше, а поднесе оставка и од бордот на директори на LetterOne, инвестициската компанија чиј ко-основач е.

Во интервју за Блумберг, тој спомна дека мислел дека има добри односи со Западот поради неговите патувања во Вашингтон и програмата за стипендирање на Алфа-банк што ја основал за американски, британски и германски граѓани во 2004 година.

„Искрено верувавме дека сме толку добри пријатели на западниот свет што не може да бидеме казнети“, изјави тој за Блумберг.

фото Pixabay

Можеби ќе ве интересира...

Закерберг „запали“ 500 милијарди долари ребрендирајќи го Фејсбук во Мета

BiznisPRO

Како да бидете постојано фокусирани: Еве во кое време од денот правиме најмногу грешки на работа

BiznisPRO

Катар до ЕУ – Не сме во можност во моментов да ве снабдуваме со гас: 80 отсто е за азиските клиенти, нема доволно за Европа

BiznisPRO