Народната банка на Кина (PBoC) денеска на својата веб-страница објави дека одлучила да ја намали каматната стапка.
Кина ќе ја намали каматната стапка на петгодишните заеми, која е поврзана со повеќето хипотеки, од 4,2 отсто на 3,95 отсто.
Банката на Кина одлучи да ја намали оваа каматна стапка за прв пат од јуни 2023 година.
Во исто време, ПБК шести пат по ред ја задржа каматната стапка на едногодишните кредити на 3,45 отсто. Оваа каматна стапка е поврзана со повеќето лични и деловни заеми.
И двете каматни стапки сега се на историски најниски.
Во 2023 година, кинеската економија порасна за 5,2 отсто на годишно ниво, со што ја надмина целта на Пекинг од пет отсто раст на годишно ниво, објави претходно Кинеското Национално биро за статистика.