• октомври 20, 2022
  • 0 МИНУТА ЧИТАЊЕ

Комората во посета на големите маркети: Скапата електрична енергија ја погоди и трговијата, потребно е допрецизирање на мерката за замрзани маржи

Комората во посета на големите маркети: Скапата електрична енергија ја погоди и трговијата, потребно е допрецизирање на мерката за замрзани маржи

Драстично поскапената електрична енергија, непрецизното дефинирање на мерките поврзани со ограничувањето на маржите, отсуството на сеопфатен приод на државата при справување со кризни моменти и нелојалната конкуренција  се само дел од проблемите со кои се соочуваат големите ланци на маркети што деновиве ги посети делегација на Стопанската комора, предводена од потпретседателот Зоран Јовановски.

При посетите на „Рамстор“, „КАМ“, „Тинекс“ и „Веро“, заедничка констатација е дека во овие услови на енергетска криза приходите на маркетите не можат да го следат растот на трошоците, посебно во услови кога високите сметки за струја во просек се шест пати повисоки во однос на истиот период од минатата година. Овие трговски ланци, каде работат над 4 000 лица, се надеваат на помош од државата. Во спротивно, дел од нив ќе бидат принудени да затворат одредени продажни места.

Во разговорите со Комората раководствата на маркетите потенцираа дека не постои бизнис кој може да ги издржи тековните високи сметки за струја, кои на месечно ниво, кај одделни трговски ланци, речиси се изедначени со вкупниот трошок за исплата на плати за вработените. Информираат дека во постојната ситуација континуирано преземаат чекори за да ги намалат своите трошоци на работење.  

Како алтернатива за скапата струја, дел од маркетите веќе инвестираат во изградба на фотоволтаични централи на покривите, но укажуваат дека треба да се изнајдат механизми за забрзување на издавањето на подзаконските и други акти потребни за активирање на централите за сопствени потреби. Во овој дел очекуваат и поддршка преку бескаматни кредити.

Како голем проблем, во сите разговори, беше нагласено дека мерките за ограничување на маржите што ги донесе Владата се прешироки и непрецизни. Како резултат на тоа не постои точно тарифирање на производите со замрзната маржа, па се ограничуваат и луксузните производи кои во најголем дел не се за широка потрошувачка. Трговците сметаат дека одлуката треба да се прецизира, односно да се наведат тарифните броеви на стоките опфатени со неа. Но и да не се замрзнуваат сите други приходи по основ на продажба, бидејќи тие се поврзани со посебни услуги што трговците им ги овозможуваат на своите добавувачи. Беше посочено дека посакуваните ефекти од воведување на било какви мерки би биле поголеми доколку пред нивното формулирање и носење се направат соодветни консултации со бизнис секторот, со цел воведување јасни и прецизни мерки со олеснета примена. Со тоа би се елиминирала потребата од „лошо етикетирање“ на трговците и трговијата, имајќи го предвид и нивниот придонес во државниот буџет по основ на плаќање на даноци и други давачки кон државата.

Беше посочена и потребата од сеопфатен приод во решавањето на проблемите што произлегуваат од постојната криза, каде што товарот од решенијата нема да падне главно на грбот на трговците туку ќе се распредели соодветно во рамки на економијата и општеството за полесно справување со кризата во целина.

Компаниите го посочија и проблемот со нелојалната конкуренција. За нејзино сузбивање потребни се мерки во насока на сузбивање на сивата економија, подобро регулирање на плаќањата во готово, итн.

Од страна на потпретседателот Зоран Јовановски на сите работни средби беше нагласено дека Комората веќе долг период интензивно комуницира со претставниците на Владата и други државни институции со цел носење на мерки за поддршка на стопанството. Поддршката од Владата која бизнис секторот, а во тие рамки и компаниите во трговијата, ја очекуваат е особено важна за да се одржи домашната економија и конкурентноста на домашните производи и услуги и дома и во странство, како и да се зачуваат работните места.

Поврзани соддржини

ТЕЦ Неготино е вклучен на мрежа и испорачува електрична енергија

ТЕЦ Неготино е вклучен на мрежа и испорачува електрична…

ТЕЦ Неготино е синхронизиран на мрежа во 12:20ч и ја засилува својата…
РКЕ: Пред осум месеци побаравме да се испита дали има злоупотреба кај правните субјекти за потрошувачката на струја

РКЕ: Пред осум месеци побаравме да се испита дали…

Регулаторната комисија за енергетика и водни услуги (РКЕ) посочува дека уште во…
Народната банка објави повик за пријавување трудови за 45. сесија на Клубот на истражувачите

Народната банка објави повик за пријавување трудови за 45.…

Народната банка објави повик за пријавување трудови за 45. сесија на Клубот…
ФИТР инвестира во пет компании за развој на решенија за  справување со климатски промени

ФИТР инвестира во пет компании за развој на решенија…

Вкупно пет домашни компании се добитници на финансиска поддршка во рамките на…
ОБЈАВЕНА ЛИСТАТА СО ИМИЊА И ПРЕЗИМИЊА НА ГРАЃАНИ: Еве кој ќе добие 3.000 денари месечна помош

ОБЈАВЕНА ЛИСТАТА СО ИМИЊА И ПРЕЗИМИЊА НА ГРАЃАНИ: Еве…

Списоците на корисници на финансиска поддршка објавени на веб страната на Министерството…
Падна одлука: Повторно поевтинување на горивата

Падна одлука: Повторно поевтинување на горивата

Регулаторната комисија за енергетика и водни услуги на Република Северна Македонија донесе…
Во потрага по работници, Германија воведува нови правила за поголема имиграција

Во потрага по работници, Германија воведува нови правила за…

„Ни требаш“, вака германскиот министер за економија Роберт Хабек (Хабек) регрутира квалификувана…
На сила стапија ограничувањето на руската цена на нафтата и забраната за увоз во Европската унија

На сила стапија ограничувањето на руската цена на нафтата…

Ограничувањето на цената на руската нафта од 60 долари за барел договорено…
Русија: Нема да работиме под ограничувања на цената на нафтата, дури и ако го намалиме производството

Русија: Нема да работиме под ограничувања на цената на…

Русија нема да извезува нафта што е предмет на ограничување на цената…
ТЕЦ Осломеј вклучен во производство

ТЕЦ Осломеј вклучен во производство

ТЕЦ Осломеј е вклучен на мрежа вчера во 17:52ч и произведува електрична…
Бислимоски: Домаќинствата со просечна заштеда од 16,32 проценти, блок тарифите даваат ефекти

Бислимоски: Домаќинствата со просечна заштеда од 16,32 проценти, блок…

Скопје, 4 декември 2022 (МИА) – Домаќинствата за 16,32 проценти ја намалиле…
УЈП со голема заштеда на струја

УЈП со голема заштеда на струја

Управата за јавни приходи во месец октомври, потроши за 28 %, помалку…