Македонските јаболка ќе се најдат во секое училиште за децата

„Оваа година започнуваме со усогласување на нашите политики со европските. Ќе се донесат повеќе закони, меѓу кои и Законот за вино, Законот за директни плаќање, Законот за рурален развој, за уредување на пазарите, преку кој се уредуваат сите производители, но од друга страна го регулираме и вишокот на производи, ги уредуваме школските шеми“ кажа министерот за земјоделство, шумарство и водостопанство Љупчо Николовски за ТВ Стар.

Тој додаде дека тоа значи оти македонските јаболка ќе може да се најдат во секое улчилиште за нашите деца со системско воведување.

„Од оваа година исто така сите ќе добиваат линеарна субвенција и дополнително државата ќе одлучи што е стратешко за да биде финансирано. Во текот на оваа година ќе правиме анализи и ќе знаеме кои се стратешките култури што државата треба да ги поддржува финансиски“ кажа Николовски.

Тој додаде дека земјоделците однапред ќе знаат дека поддршата за тие стратешки кулутри ќе ја имаат и дека за прв пат од 2004 наваму, субвенциите за оваа година ќе се исплаќаат во оваа година.

Можеби ќе ве интересира...

Собранието го изгласа Законот за рибарство и аквакултура

BiznisPRO

МЗШВ: На 20-ти мај истекува рокот за аплицирање на јавниот повик за поддршка при набавка на трактор

BiznisPRO

Се продолжува рокот за аплицирање за мерката за набавка на вештачки ѓубрива за есенската сеидба

BiznisPRO