Помалку од еден час возење е потребно за да се поминат 40 километри од Благоевград до Делчево, рута која се повеќе Бугари на поминуваат со цел да се стигне до поевтини и поквалитетни производи.
Последните викенди забележана е се поголема фреквентност на македонско-бугарската граница од шопинг патувањата на жителите на западните бугарски градови. Како што кажуваат тие, доаѓаат во земјава на пазарење бидејќи цените на производите се од 10 до 20 отсто поевтини отколку дома.
Освен тоа, тие се задоволни и од квалитетот на македонските млечни и месни производи, за кои кажуваат дека се подобри и повкусни од бугарските.
Ваквиот „шопинг туризам“ ги натера и туроператорите од западниот дел од Бугарија освен кратки тури до културни и историски знаменисти во Северна Македонија, да нудат и шопинг патувања.