Директорката на Меѓународниот монетарен фонд, Кристалина Георгиева, оцени дека светската економија останува отпорна и покрај повеќето глобални кризи. Позитивните очекувања се поврзани со инвестициите во вештачката интелигенција и растот на азиските економии.
Но Георгиева предупреди дека војните, поскапувањето на енергијата, инфлацијата и високите јавни долгови создаваат сериозна опасност за најранливите економии. Кај земјите со ниски приходи, учеството на отплатата на долговите во државните приходи пораснало од осум на 14 проценти.