Нова услуга на УЈП – Електронско уверение за состојба на остварениот доход

На брифинг со новинарите, директорката Елена Петрова заедно со тимот ја претставија првата целосно дигитализирана услуга на УЈП – „е-Уверение за состојба на остварен доход“!

Услугата е достапна за сите граѓани, вклучително и странци со привремен или постојан престој во земјата, кои се регистрирани корисници на системот „е-Даночни услуги“, како и за корисници кои допрва би се регистрирале на системот. Граѓаните ќе можат да го добијат своето е -Уверение за состојба на остварен доход за минат и за тековен период.

Придобивките од оваа нова електронска услуга се:

Брзо и едноставно издавање на е-Уверение во рок од 5 минути;
Без чекање во редови или потреба од физичко присуство во УЈП;
Достапно 24/7 преку платформата „е-Даночни услуги“;
Потполна сигурност и доверливост, со електронски временски жиг и QR код за верификација на документот.
Со оваа дигитализирана услуга го намалуваме времето и трошоците поврзани со процесот на обезбедување на овој документ и преку лесен и брз пристап до истиот, во секое време.

Преку платформата „е-Даночни услуги“ услугата е веќе достапна и може да се користи.

Можеби ќе ве интересира...

Азески од Самитот во Истанбул: Слободната и фер трговија треба да биде приоритет во глобалната економска трансформација

BiznisPRO

Ова се сите производи кои ќе бидат намалени со есенската кошничка

BiznisPRO

Цената на нафтата на светскиот пазар расте

BiznisPRO