Поскапија цигарите во Македонија

Од денеска дел од цигарите поскапеа за 10 денари. Станува збор за повеќе брендови и видови на цигари кои добија нови цени.

Ако сакате да купите кутија некои брендови ќе платите 10 денари повеќе.

Бран поскапување на цигарите имаше и минатата недела кога дел од брендовите добија нови цени, исто така за 10 денари повеќе.

Поскапувањето на цигарите беше најавено уште минатиот месец, иако никој од производителите и увозниците на цигари во Македонија официјално не ја потврди таа информација.

Вакво нешто се очекуваше со оглед на трендот на зголемување на цените на суровините, репроматеријалите и енергенсите, пред сѐ гасот и електричната енергија, кои имаат значителен удел во производството.

Притисок врз цената на цигарите создава и редовното годишно зголемување на акцизата, која како дополнителна давачка ја воведе државата за да го дестимулира пушењето. Имено, секоја година, почнувајќи од 2013 година, па сѐ до 2023 година, акцизата на цигарите се зголемува за најмалку пет денари по кутија.

Во изминатите години, за да избегнат поголемо поскапување на цигарите, некои производители и увозници на цигари, носеа одлуки да преземат дел од трошокот за зголемената акциза врз себе.

Можеби ќе ве интересира...

ЦРН ПЕТОК: Колку се реални попустите во продавниците – поевтинета само застарена роба, новите артикли и натаму со високи цени

BiznisPRO

НЛБ Банка донираше сензорна соба во Македонски Брод како дел од проектот „Биди ИН, биди ИНклузивен, биди ИНклудиран“

BiznisPRO

Анѓушев по средбата со министерот Бектеши: Да се набави мазут за ТЕЦ “Неготино“ и да се овозможи ТЕ-ТО да работи во текот на зимата за спас од високите цени на струјата

BiznisPRO