Вредноста на еврото падна во однос на американскиот долар поради лошите вести за економската активност во еврозоната и Германија во август.
Денеска во 12:20 часот на глобалната берза Forex еврото се продаваше за 1,08083 долари, што е најниска вредност на еврото за повеќе од два месеци.
Европската валута сега е најслаба во однос на доларот од 14 јуни.
Овој пад не значи промена на трендот на девизниот пазар, туку негово забрзување, бидејќи еврото паѓа во однос на доларот од втората половина на јули.
Според податоците објавени денеска, композитниот индекс на менаџери за набавка (PMI) во еврозоната и Германија во август падна на најниско ниво од 2020 година.
Главната причина е големиот пад на германскиот услужен сектор, што значително влијаеше на падот на услужниот сектор во целата еврозона.