Просечната месечна исплатена нето плата по вработен изнесува 39.542 денари, за месец јануари 2024 година, објави Државниот завод за статистика. Тоа е зголемување од 16,5 проценти во однос на истиот месец минатата 2023 година.
Зголемување на месечните примања има за вработените во јавна управа и одбрана, задолжително социјално осигурување, снабдување со вода, отстранување на отпадни води, управување со отпад и дејности за санација на околината и земјоделство, шумарство и рибарство.
Помали плати, пак во однос на претходниот месец примиле вработените во градежништвото, преработувачка индустрија и трговија на големо и мало, како и поправка на моторни возила и мотоцикли.
Нешто поголемо е зголемувањето на бруто личните доходи од 16,8 посто, а според ДЗС таа на национално ниво изнесува 59.392 денари.
НАЈЧИТАНО НА ИНТЕРНЕТ...