Просечната месечна исплатена нето-плата по вработен за правни лица во Град Загреб за јули годинава изнесува 1.505 евра, што е номинално намалување од 0,3 отсто во однос на јуни, но зголемување од 15 отсто во однос на јули лани.
Според податоците на Градската управа за економија, еколошка одржливост и стратешко планирање, највисока просечна месечна нето-плата за правните лица за јули е исплатена во екстракција на сурова нафта и природен гас, во износ од 2.221 евро, пренесува Индекс.хр.
Најниска плата е исплатена во производството на кожа и сродни производи, во износ од 875 евра.
Просечната нето плата за јули годинава била 1.302 евра, што значи дека половина од вработените во Загреб имале помалку и половина повеќе од таа сума.
Споредено со просечната месечна плата за јули на ниво на Хрватска, која изнесувала 1.315 евра, просечната загребска нето-плата исплатена за тој месец била за 190 евра поголема.
Просечната месечна бруто-плата по вработен за правни лица во градот Загреб за јули годинава изнесува 2.146 евра, што е намалување за 0,2 отсто во однос на јуни, но зголемување за 15,3 отсто во однос на јули 2023 година.
НАЈЧИТАНО НА ИНТЕРНЕТ...