РЕГИСТРИРАН ГОЛЕМ ПАД: Во март продажбата на електрични автомобили опадна низ ЕУ

Регистрациите на нови автомобили во ЕУ во март годинава паднале за 5,2 отсто во однос на истиот месец лани, со 1.031.875 примероци.

Продажбата на електрични возила е намалена за 11,3 отсто (продадени се 134.397 единици), додека уште потешко е погодена продажбата на возила со бензин и дизел.

Со ова уделот на електричните автомобили на вкупниот пазар изнесува 13 отсто, што е помалку од 13,9 отсто нивното учество во март минатата година.

Учеството на автомобилите на бензин во мартовската продажба е 35,4 отсто (минатиот март 37,4 отсто), додека продажбата на дизел сочинува 12,4 отсто (минатиот март 14,4 отсто) од вкупните регистрации.

Од друга страна, хибридните регистрации се зголемија за 12,6 отсто, зголемувајќи го нивниот удел на пазарот од 24,4 отсто во март 2023 година на 29 отсто во март 2024 година.

Конечно, Plug-in хибридите (PHEV) имаа 6,5 отсто помала продажба во март и нивниот пазарен удел е 7,1 отсто.

Можеби ќе ве интересира...

Најголем пад на стандардот во Германија од Втората светска војна

BiznisPRO

Падот на германската економија запре, покажуваат најновите проценки

BiznisPRO

За пристојно живеење во Големото јаболко, потребна ви е плата од 138.570 долари

BiznisPRO