Животот во градот во денешно време може да биде многу скап. Има кирија, сметки, јавен превоз, но и храна и пијалоци, а сето тоа од некаде треба да се плати.
Сепак, како противтежа на сето ова треба да има различни придобивки и можности кои ги даваат истите градови.
И дали таа врска се исплати на крајот? Се зависи од тоа кои се вашите потреби и желби во животот и колку компромиси сте спремни да направите.
Односот на цените постојано се менува во градовите, поради што луѓето од сајтот Time Out направија анкета меѓу своите читатели во која беа прашани дали градот во кој живеат би го опишале како скап.
Врз основа на коментарите, направена е листа на најевтините и најскапите градови за живеење во светот. Најевтин е Манчестер, за кој само 10% од луѓето изјавиле дека е прескап, а потоа следат Јоханесбург, Будимпешта и Монтреал со по 17%. Следат Санкт Петербург со 18 отсто и Прага со 24 отсто.
Најевтини градови за живеење:
Манчестер, Јоханесбург, Будимпешта, Монтреал, Санкт Петербург, Прага, Порто, Рим, Мексико Сити, Бангкок
Кога станува збор за најскапите градови, дури 99 отсто од луѓето рекле дека Цирих е прескап, додека 87 отсто за Тел Авив, а 86 за Лос Анџелес и Париз.
Најскапите градови за живеење:
Цирих, Тел Авив, Лос Анџелес, Париз, Лондон, Милано, Њујорк, Сан Франциско, Хонг Конг, Бостон