СЕ ЗАТВОРААТ КОМПАНИИ: Германците ги затвораат фирмите затоа што немаат кому да ги остават

Во Германија, сопствениците на малите и средни компании сè повеќе немаат кому да му го доверат управувањето со компанијата, во моментов речиси една третина од сопствениците имаат најмалку 60 години и бараат наследник, пишува d pa.

Уделот на претприемачи кои бараат некој кој ќе го преземе нивниот бизнис скокнал од 35 на 41 отсто во последните шест години, покажува новото истражување на германската државна развојна банка KfV.

Во исто време, се очекува дека проблемот само ќе се влошува.

Фрици Колер-Гаиб, главен економист на KfV изјави дека јазот во секторот за мали и средни претпријатија расте.

– Демографските промени се такви што се зголемува бројот на постари претприемачи кои размислуваат за потенцијален наследник – рече Келер-Гајбова.

Имено, наталитетот паѓа, додека најнаселената бејби бумер генерација полека заминува во пензија. Покрај тоа, генерално го ослабува интересот на младите да започнат или преземат бизнис.

Само до крајот на оваа година, околу 224.000 сопственици на мали и средни претпријатија планираат да заминат во пензија, што е шест отсто меѓу 3,81 милиони германски компании со до 500 милиони евра годишен обрт.

Во првата половина од минатата година, речиси три четвртини од анкетираните сопственици изјавиле дека тешко им било да најдат наследник.

Помал дел од испитаниците, околу 30 отсто, главната пречка за примопредавање на работното место ја гледаат во трошоците за бирократските барања, потоа правниот лавиринт 28 отсто и финансиските проблеми 16 отсто. Анкетата даде повеќекратни избори.

Многу сопственици затоа одлучуваат да затворат, 97.000 претприемачи или три отсто од нив имаат намера да го сторат тоа до крајот на оваа година. Меѓу нив 63 отсто имаат семејство од кое никој не сака да продолжи со работа.

Во исто време, мнозинството од испитаниците, 57 отсто, велат дека сакаат компанијата да остане во семејството, а 43 отсто се подготвени да ја препуштат на друг претприемач, 28 отсто се подготвени да ја препуштат компанијата на некој од вработените. а 21 процент на косопственик.

Можеби ќе ве интересира...

ПОЛНЕТЕ РЕЗЕРВОАРИ: Од ноќеска поскапува дизелот, еве ги новите цени на горивата

BiznisPRO

Германија заврши во рецесија во 2023 година: Со дефицит од десетици милијарди евра

BiznisPRO

Австрија ја намали зависноста од рускиот гас на 21 отсто

BiznisPRO