Цените на житарките растат, финансиските средства се враќаат во игра

Цените на пченицата и пченката растат, а царините за руските житарки го започнаа овој тренд. Сето ова е проследено со нови руски напади на силоси во Одеса, додека финансиските фондови купуваат фјучерси на пченица во САД.

Најавата за воведување високи царини за увоз на пченица од исток предизвика ненадејна промена на цената на берзите. Доколку се зголеми интензитетот на војната во Украина, следува ново поскапување.

Договорот меѓу земјите од ЕУ за условите за трговија со Украина се уште не е завршен. Имено, повеќето земји од ЕУ се за поголеми ограничувања на увозот – Полска бара просекот на увезените количини да не се базира само на 2022 и 2023 година, туку да се земе предвид и 2021 година – пред избувнувањето на војната, кога увозот беше многукратно помал. Германија се противи затоа што Украина го полни својот воен буџет со продажба на ЕУ. Како што се наведува, оваа земја засега е сè уште во малцинство – одлуката ќе биде донесена на 27 март, а сето тоа дава причина цените на житото на берзите да бидат повисоки.

Падот на вредноста на доларот во однос на еврото (1,08:1) и промените во понудата на пченица од Русија носат повисоки цени на пченицата и во САД. Овие турбуленции делумно се резултат на купувањето жито од финансиските фондови кои се надеваат на добра заработка во мај.

Европската комисија (ЕК) минатиот петок официјално предложи воведување царини за увоз на жита и маслодајни култури од Русија и Белорусија. Царините ќе изнесуваат 95 евра по тон за житариците и 50 отсто за маслодајните семиња.

Овие мерки можат да стапат во сила откако ќе бидат одобрени од владите на земјите од Европската унија.

Трговците на почетокот на неделава рекоа дека рускиот и белорускиот извоз на жито и маслодајни семиња во Европската унија е скромен во споредба со извозот на Украина во ЕУ и дека наметнувањето царини е првенствено симболичен гест.

Сепак, Европската комисија нагласи дека постои ризик од зголемен увоз, бидејќи вкупниот извоз на руска пченица во ЕУ е зголемен од вообичаените 35 милиони тони на 50 милиони тони.

Можеби ќе ве интересира...

Индекси на цените во земјоделството, јануари 2024 година

BiznisPRO

Бачовски: Исплатени дополнителните директни плаќања за предадени јаболка во регистрирани откупувачи или преработувачки капацитети за период 2022-2023 година

BiznisPRO

Презентирана новата земјоделска веб – платформа „Национална рурална мрежа“

BiznisPRO