Централниот регистар го продолжува рокот за поднесување годишна сметка

Централниот регистар ги информира правните субјекти дека го продолжи рокот за поднесување годишна сметка за 2021 година на барање на обврзниците и на сметководителите. Рокот е продолжен за 10 дена, како за хартиено така и за електронско поднесување годишни сметки.

Крајниот рок за поднесување на годишна сметка во хартиена форма ќе биде до 10.3 2022 година, со работно време на сите канцеларии на Централниот регистар од 8 до 16 часот, а крајниот рок за поднесување на годишната сметка во електронска форма ќе биде до 25.3.2022 година до 24 часот.

„Централниот регистар како сервисно ориентирана институција, која секогаш ги зема предвид барањата и потребите на странките и на нашите корисници, во рамките на законските можности трета година по ред го продолжува рокот за поднесување на годишните сметки поради зголемениот број позитивни случаи на коронавирусот. Сакаме да напоменеме дека минатата година приемот на годишните сметки го следеше трендот како и изминатите години, па во законски предвидениот рок во Централниот регистар беа поднесени 95 % годишни сметки.

Одлуката за пролонгирање на рокот е во согласност со член 477 став 1 од Законот за трговските друштва“, соопшти Централниот регистар.

Можеби ќе ве интересира...

Нова цена на горивата – Македонија има најевтин дизел во регионот, еве какви се цените низ Европа

BiznisPRO

Бектеши: Продолжува трендот на намалување на потрошувачката на електрична енергија кај државните институции, министерствата во октомври оствариле 33% заштеда на струја

BiznisPRO

ЛАНЕЦОТ МАРКЕТИ “ИСТУРА” ГОЛЕМИ ПАРИ: Лидл на работниците во Германија им дава инфлаторен бонус, видете колку ќе добие секој од нив

BiznisPRO